Tel Aviv,  7 dhjetor 2023 (MIA)  -  Kabineti   i kryeministrit izraelit Benjamin Netanjahu ka bërë të ditur se është miratuar rritja e sasisë ditore të derivateve që mund të hyjnë në Rripin e Gazës.

Në kumtesë nuk theksohet sa do të rritet dorëzimi, por vetëm se "sasia minimale e miratuar e nevojshme për të parandaluar një kolaps humanitar dhe shpërthimin e epidemive në Rripin e Gazës", raporton "Tajms of Izrael".

 "Kjo shumë minimale do të përcaktohet kohë pas kohe nga kabineti ushtarak, në përputhje me shkallën e infeksionit dhe kushtet humanitare në Rripin e Gazës",  bëri të ditur kabineti i Netanjahut.

 Mediat izraelite raportojnë se SHBA-ja  ka kërkuar që furnizimi ditor prej 60.000 litra të dyfishohet ose trefishohet.

 Foto: Arkivi i MIA-s