Amsterdam, 18 janar 2026 (MIA) - Ish-sekretari i përgjithshëm i NATO-s, Anders Fog Rasmusen, ka kritikuar ashpër deklaratat e presidentit amerikan, Donald Tramp, për marrjen e Grenlandës, duke paralajmëruar se do të ishte "fundi i rendit botëror siç e njohim ne" nëse SHBA-ja e merr atë ishull me forcë.

Rasmusen, i cili është gjithashtu një ish-kryeministër danez, deklaroi për Fajnenshëll tajms se Trampi përdori gjuhë për Grenlandën të ngjashme me atë të përdorur nga "gangsterët" në Rusi dhe Kinë, të cilët duhet të përpiqet t'i kontrollojë.

"Ky ishte një proces i dhimbshëm për mua. Që kur isha fëmijë, i konsideroja Shtetet e Bashkuara të Amerikës lider natyror të botës së lirë. Madje flisja për SHBA-në si policin e botës", tha Rasmusen, i cili ka dërguar trupa daneze për të luftuar së bashku me SHBA-në në Afganistan.