Teheran, 27 mars 2026 (MIA) – Dy objekte të lidhura me programin bërthamor të Iranit janë sulmuar në Iran, por nuk është lëshuar asnjë material radioaktiv, kumtuan mediat shtetërore iraniane.

Agjencia e lajmeve IRNA kumtoi në një deklaratë në Telegram se kompleksi i ujit të rëndë Hondab në Iranin veriperëndimor u sulmua nga forcat amerikano-izraelite. IRNA citoi një zyrtar nga provinca Markazi e cila tha se nuk kishte viktima, raporton Bi-Bi-Si.

Një sulm i dytë goditi një fabrikë (yellowcake) në Ardakan, Jazd me çka autoritetet raportuan se nuk është lëshuar asnjë material radioaktiv jashtë vendit, krejt kjo sipas Agjencisë së lajmeve "Fars news" e lidhur me Korpusin e gardës revolucionare (IRCG).

Foto: Gugll maps