Ankara, 6 prill 2026 (MIA) - Autoritetet iraniane kanë lejuar një anije mallrash turke që transportonte naftë të papërpunuar nga Iraku në Malajzi të kalojë nëpër Ngushticën e Hormuzit gjatë natës, kumtoi ministri turk i Transportit, Abdulkadir Uraloglu. 

Sipas Uraloglu, tre anije lundruese turke deri më tani kanë arritur të kalojnë rrugën ujore praktikisht të bllokuar që nga fillimi i luftës aktuale më 28 shkurt. Ai shtoi se kjo u parapri nga negociata intensive.

Tetë anije të tjera turke janë ende duke pritur leje për të kaluar.

Turqia mbeti neutrale në luftë dhe po punon për një zgjidhje diplomatike.

Mbyllja efektive e Ngushticës së Hormuzit në hyrje të Gjirit Persik ka çuar në një rritje të ndjeshme të çmimeve të energjisë në nivel global.

Foto: arkivi i MIA-s