Tel Aviv, 11 dhjetor 2023 (MIA) - Armata izraelite (IDF) sot njoftoi se përfaqësuesit e saj kanë zbuluar një vend për trajnim për grupin militant palestinez Hamas në një xhami në Xhabalia në veri të Rripit të Gazës.

IDF-ja publikoi video në të cilën shihet se si ushtari shkon rreth xhamisë duke zbuluar një hapësirë në katin e tretë që Hamasi dyshohet se e përdor për të simuluar luftime, shkruan Tajms of Izrael. 

Në hapësirën tjetër, sipas armatës izraelite, u gjetën pajisje të përdorura për prodhimin e mjeteve shpërthyese.

“Përveç kësaj, në xhami u gjetën disa armë zjarri, granata dhe pajisje ushtarake”, thuhet në kumtesën e IDF-së. qa/

Foto: Arkivi i MIA-s