Damask, 3 maj 2025 (MIA) - I dërguari special i Kombeve të Bashkuara për Sirinë, Gir Pedersen sot i bëri thirrje Izraelit që të ndërpresë menjëherë sulmet ndaj Sirisë, pas komunikatës së ushtrisë izraelite se mbrëmë kishte goditur objektet ushtarake siriane.

"Dënoj fuqimisht shkeljet e vazhdueshme dhe përshkallëzuese të sovranitetit të Sirisë nga Izraeli, duke përfshirë sulmet ajrore në Damask dhe qytete të tjera", tha Pederseni në deklaratën në rrjetin X.

Ai i bëri thirrje Izraelit të ndërpresë sulmet dhe rrezikimin e civilëve sirianë, si dhe të respektojë ligjin ndërkombëtar dhe sovranitetin, unitetin, integritetin territorial dhe pavarësinë e Sirisë.

Foto: arkivi i MIA-s