Uashington, 31 tetor 2023 (MIA)- Hakerët kanë fituar qasje në adresat elektronike të rreth 632.000 punonjësve federalë në Ministrinë e Mbrojtjes dhe Drejtësisë së SHBA-së, njoftoi mbrëmë agjencia Blumberg duke cituar Drejtorinë e kuadrove të SHBA-së.

Sipas informacioneve në dispozicion, sulmi kibernetik ka ndodhur më 28 dhe 29 maj dhe për të dyshohet grupi i hakerëve Clop, kinse për lidhshmëri me Rusinë. Sipas raportit, me ndërhyrjen kriminelët mund të kenë qasje deri te të dhënat duke përdorur programin e transferimit të skedarëve MOVEit.

Zyrtarët federalë të krimit kibernetik më parë konfirmuan se agjencitë qeveritare kanë qenë të komprometuar nga sulmi, por nuk kanë ndarë mjaftueshëm të dhëna për shkallën e sulmit, as nuk përmendën emrat e agjencive që u sulmuan.

Blumberg ka pasur qasje deri në këto informacione pas një kërkese të Ligjit për lirinë e informacionit.

Agjencia mëson se ky grup hakerash deri tani ka sulmuar rreth 2.500 kompani private dhe organizata qeveritare në SHBA.

Foto: arkivi i MIA-s