Gazë, 10 nëntor 2024 (MIA) - Forcat Mbrojtëse të Izraelit (IDF) po zbtojnë operacion për spastrim etnik në pjesën veriore të Rripit të Gazës, shkruan sot gazeta izraelite "Haarec".

 Sipas gazetës, palestinezët që mbetën në zonë gjatë ofensivës së re izraelite aktualisht janë duke u evakuuar me forcë.

 "Në atë zonë po ndërtohen rrugë të gjera dhe po përfundon ndarja e komuniteteve (palestineze) në brezin verior nga qendra e qytetit të Gazës", shkruan gazeta izraelite.

 Ministria palestineze e Shëndetësisë e përshkroi situatën në Gazën veriore si "katastrofike".

 Sipas Ministrisë, numri i palestinezëve të vrarë që nga fillimi i luftës në Gazë është rritur në rreth 43.552, ndërsa numri i të plagosurve ka arritur në 102.765.

 Foto: Arkivi i MIA-s