Uashington, 8 prill 2025 (MIA) – Përfaqësuesi amerikan për tregti Xhejmison Grir sot konfirmoi se doganat e ashtuquajtura reciproke, të paralajmëruara nga presidenti i SHBA-së, Donald Tramp, do të hyjnë në fuqi nesër. 

Grir deklaroi se SHBA-ja për momentin po negocion me rreth 50 vende, por se nuk mund ta presin rezultatin nga ato bisedime. 

“Doganat hyjnë në fuqi njëkohësisht me fillimin e bisedimeve të drejtpërdrejta”, tha Grir. 

Norma e re doganore, e cila zbatohet në gati të gjitha vendet, është plotësim i masave ekzistuese. Megjithatë, disa vende nuk do të goditen nga rritja e re, sepse që nga 5 prilli janë nën doganë ekzistuese prej 10 për qind për gjithë importin. 

Në mesin e vendeve të cilat janë të përjashtuara nga doganat e nesërme më të larta janë Mbretëria e Bashkuar, Argjentina, Australia, Brazili dhe Arabia Saudite. fc/

Foto: Arkivi