Nju Jork, 29 maj 2025 (MIA) - Gjykata federale në SHBA ka bllokuar hyrjen në fuqi të tarifave reciproke të vendosura më 2 prill nga ana e presidentit amerikan Donald Tramp, të publikuara në të ashtuquajturën "Dita e çlirimit".

Gjykata mori vendim se presidenti ka tejkaluar kompetencat e tij me vendosjen e tarifave për importet nga vendet që eksportojnë më shumë mallra në SHBA se sa që importojnë.

Megjithatë, vendimi i gjykatës nuk ndikon në tarifat prej 25 për qind që Trampi vendosi për importin e automjeteve, çelikut dhe aluminit.

Gjykata e Tregtisë Ndërkombëtare me seli në Menheten në vendimin e tij theksoi se Kushtetuta e SHBA-së i jep Kongresit kompetenca të jashtëzakonshme për të rregulluar tregtinë me vendet e tjera, të cilat nuk mund të hiqen në kuadër të kompetencave emergjente të presidentit për të mbrojtur ekonominë amerikane.

Qeveria e Trampit sot paraqiti ankesë kundër bllokimit të të ashtuquajtur tarifat "reciproke".

"Me këtë njoftohet se të akuzuarit po bëjnë ankesë në Gjykatën e Apelit të SHBA-së", theksohet në dokumentin e gjykatës. rq/

Foto: arkivi i MIA-s