Islamabad, 9 gusht 2023 (MIA) – Gjykata e Lartë e Pakistanit sot hodhi poshtë ankesën e ish kryeministrit Imran Kan për suspendimin e dënimit për akuzën për korrupsion, tha avokati i tij, duke shtuar se pak janë gjasat që së shpejti të lirohet me kaucion.

"Kërkesa jonë për suspendimin e aktgjykimit nuk u pranua. Rasti është shtyrë për një kohë të pacaktuar", deklaroi avokati Naim Penxhuta, transmetojnë mediat britanike.

Kanit i është ndaluar të kryejë çdo detyrë publike për pesë vitet e ardhshme, pasi të shtunën u dënua me tre vjet burg me akuzën për shitje të paligjshme të dhuratave shtetërore që ai dhe familja e tij morën gjatë mandatit të tij 2018-2022.

Gjykata u kërkoi autoriteteve përkatëse gjyqësore që t'i përgjigjen pozitivisht lutjes së Kanit për t'u transferuar në një qeli të klasit A ​​në burgun e Ravalpindit i cili ka kushte më të mira për të cilat ai ka të drejtë si ish kryeministër, shtoi avokati i tij Naim Penxhuta.

Kan u ndërrua nga posti i kryeministrit vitin e kaluar pasi Parlamenti votoi mosbesimin ndaj tij, gjë që sipas agjencisë shkaktoi shqetësime për stabilitetin e Pakistanit në mes të luftës së tij me një krizë ekonomike.

Foto: EPA