Gjermania po kërkon të blejë tanke nga Zvicra për të ndihmuar Ukrainën

Bern, 3 mars 2023 (MIA) - Gjermania i ka kërkuar Zvicrës që t'i shesë asaj një pjesë të tankeve të saj "Leopard 2", në mënyrë që të mund të ofrojë më shumë ndihmë ushtarake për Ukrainën, raportoi sot gazeta zvicerane "Blik".

Siç shkruan gazeta, Gjermania kërkon që Zvicra t'i shesë një pjesë të tankeve të saj nga prodhuesi Rheinmetall, për të mbushur boshllëqet në armatimin e anëtarëve të BE-së dhe NATO-s.

Gjermania, Polonia, Portugalia, Finlanda dhe Suedia janë ndër vendet që dërgojnë “Leopardët” në Ukrainë, por duke e bërë këtë ata kanë zvogëluar arsenalin e tyre ushtarak.

Ministri gjerman i Mbrojtjes Boris Pistorius dhe ai i Ekonomisë Robert Habek e kanë informuar ministren zvicerane të Mbrojtjes Viola Amherd për qëllimin e tyre në një letër të datës 23 shkurt, shkruan “Blik”. Ata kërkojnë nga Bern të pajtohet me shitjen, me premtimin se tanket zvicerane nuk do të përfundojnë në Ukrainë.

Ligjet e neutralitetit dhe embargoja e armëve e pengojnë Zvicrën të dërgojë armë direkt në Ukrainë, dhe nëse bie dakord me kërkesën e Gjermanisë, Parlamenti zviceran do të kërkojë të shpallë zyrtarisht tanket jashtë shërbimit, shpjegoi gazeta.

Ministria zvicerane e Mbrojtjes tha se kërkesa gjermane ishte duke u shqyrtuar.

“Nga pikëpamja ushtarake, në parim, duke marrë parasysh nevojat e Zvicrës, do të ishte e mundur të hiqnin dorë nga një numër më i vogël i tankeve”, tha zëdhënësi i Ministrisë.

Në rastet e mëparshme, Bern refuzoi kërkesat nga Gjermania, Spanja dhe Danimarka për të eksportuar municione zvicerane të blera më parë në Ukrainë. sa/

Foto: EPA

Gjermania po kërkon të blejë tanke nga Zvicra për të ndihmuar Ukrainën

Tags

GJITHASHTU MUND TË Pëlqejë

Ministrat e G7 do të bisedojnë për urdhër arrestet e GJNP-së javën e ardhshme

Kthesa e madhe raketore e Bajdenit komplikon ngrohjen potenciale diplomatike perëndimore me Moskën

Lavrov: Zelenski u frikësua nga përgjigja e Rusisë

NATO: Raketat ruse nuk do të na pengojnë të mbështesim Ukrainën

KB: Këtë vit jetën e kanë humbur më së shumti punëtorë humanitarë që nga fillimi i numërimit

Tusk: Lufta në Ukrainë po bëhet dramatike dhe realisht kërcënon të bëhet globale

Shpërthim i kontrolluar te Ambasada e SHBA-së në Londër, evakuim edhe në aeroportin Getuik

Këshilli NATO-Ukrainë do të mbahet më 26 nëntor pas sulmit rus me raketën eksperimentale hipersonike

Gjermania po kërkon të blejë tanke nga Zvicra për të ndihmuar Ukrainën

Tags

GJITHASHTU MUND TË Pëlqejë

QËNDRONI TË LIDHUR