Bruksel, 25 korrik 2023 (MIA) – Porota e Gjykatës më Bruksel sonte i shpalli fajtorë gjashtë nga dhjetëra të akuzuar për sulmet terroriste në aeroportin Zaventem të Brukselit dhe stacionin e metrosë Malbek më 22 mars të vitit 2016, ku humbën jetën 32 persona, ndërsa pothuajse 900 u lënduan ose pësuan trauma të rënda psikologjike.

Katër të akuzuarit e tjerë u liruan nga akuzat. 

Porota  i shpalli fajtorë Osama Attar, Mohamed Abrini, Osama Krajem, Salah Abdeslam, Ali El Hadad Asufi dhe Bilall Ek Mahuki sipas akuzave për pjesëmarrje në aktivitetet e një grupi terrorist, si dhe për vrasjen e të paktën 32 personave dhe për tentativë  për vrasje  të edhe 695 personave të tjerë gjatë një sulmi terrorist. 

 Për të njëjtat vepra u akuzuan edhe Sofien Ajari, Erve Bajingana Muhirva dhe Smail Farisi, të cilët u liruan nga akuzat, si dhe Ibrahim Farisi, i cili u akuzua vetëm për pjesëmarrje në aktivitetet e një grupi terrorist.

 Një nga të shpallurit fajtorë, Osama Atar, udhëhiqet i zhdukur dhe supozohet se është vrarë në Siri.

Nga ana tjetër, Salah Abdeslam po vuan tashmë dënim të përjetshëm pa mundësi për lirim me kusht në Francë për rolin e tij në sulmet terroriste në Paris në vitin 2015. Mbrojtja e tij kërkoi që ai të lirohet nga akuzat për vrasje dhe tentativë vrasjeje në një sulm terrorist, por kërkesa u refuzua. 

 Siç njofton raportuesi special i MIA-s nga Brukseli, shqiptimi i aktgjykimit për sulmet në Bruksel, të cilin porota prej 12 anëtarësh e mori dje pas 18 ditësh diskutim, filloi rreth orës 19,  pas disa orësh shtyrje. Fillimisht u paralajmërua për orën 14:30, më pas u shty për në orën 16:30 dhe më në fund u prolongua  për sonte.

Procesi gjyqësor për sulmin, të cilin përgjegjësinë e mori grupi terrorist Shteti Islamik, filloi dhjetorin e kaluar.