Shkup, 4 dhjetor 2025 (MIA) - Çdo lëshim nga pala e Maqedonisë rezulton me një kusht të ri dhe për këtë arsye nevojiten garanci nga BE-ja, vleërson kryeministri Hristijan Mickoski. Kërkesat për garanci nga BE-ja, sipas tij, janë logjike dhe burojnë nga përvojat e kaluara, ndërsa Qeveria nuk do të pranojë një proces që do të hapë hapësirë ​​për kushte të reja.

Kryeministri, në brifingun e sotëm me gazetarët, theksoi se, duke mësuar nga kujtesa institucionale e së kaluarës se çdo lëshim krijon hapësirë ​​për kushte të reja, janë logjike këto kërkesa nga pala e Maqedonisë. 

"Ndryshimet kushtetuese janë vetëm fillimi. Edhe nesër t'i përfshijmë bullgarët në Kushtetutë, pyetja e vetme është nëse për 3,6 apo për 9 muaj do të kemi një kusht të ri. Një është politika, ndërsa një tjetër është interesi kombëtar. Pyetja është nëse do të vazhdojmë në këtë rrugë të të qenit naivë se nëse bëjmë lëshime, kjo është mënyra. Unë nuk mendoj se kjo rrugë është e mirë. Kjo rrugë që po ndjek kjo Qeveri është e vështirë, por nuk është e turpshme", theksoi kryeministri.

Në lidhje me iniciativën nga Brukseli dhe nga vendet e BE-së për takime për të cilat duhet të diskutohet për këtë situatë dhe që të gjithë të paraqesin argumentet e tyre, Mickoski thotë se deri në këtë moment, as ata të cilët e organizuan dhe as pala e Maqedonisë nuk e dinë nëse pala bullgare është e gatshme dhe dëshiron të flasë.

"Nëse bisedimet do të jenë dypalëshe drejtpërdrejt me Sofjen apo përmes Brukselit, varet nga Bullgaria. Këtu duhet të bëjmë një dallim. Së pari nëse flasim dhe nëse kjo nuk është një çështje dypalëshe, por evropiane, është logjike të flasim në Bruksel. Këtu pala bullgare thotë, ne mund ta zgjidhim vetë këtë sepse është çështje dypalëshe. Atëherë kjo është bilateralizëm. Le ta sqarojnë mes veti nëse është dypalëshe, nëse është dypalëshe ne jemi të gatshëm të flasim me ta, kudo që të duan, që ta dimë se është dypalëshe. Nëse është e jona dhe evropiane me Brukselin, atëherë atje duhet të flasim. Ja ku po u themi atyre, vendosni ju", tha Mickoski në takimin me gazetarët. rq/

Foto: arkivi i MIA-s