Hagë, 16 dhjetor 2025 (MIA) – Presidenti ukrainas, Volodomir Zelenski e theksoi rëndësinë e marrjes së garancive të sigurisë nga Evropa dhe Shtetet e Bashkuara të Amerikës në rast të marrëveshjes së mundshme paqësore. Deklaratën e dha sot, gjatë vizitës së tij në Hagë. 

Pas bisedimeve me ushtruesin e detyrës kryeministrin holandez, Dik Shof, Zelenski theksoi se Ukrainës i nevojiten “garanci juridike detyruese”. 

“Ka shumë pyetje për atë si mund të marrim mbrojtje pa u bërë anëtare e NATO-s. Duhet të marrim mbështetje dhe për ne është me rëndësi t’i kemi të gjitha garancitë e sigurisë”, tha Zelenski.

Ai bëri të ditur se në bisedimet e djeshme në Berlin, pjesëmarrësit evropianë dhe amerikanë premtuan kontribut konkret drejt sigurisë së vendit. Megjithatë, ai nuk saktësoi cilat vende janë të gatshme të marrin pjesë në forcat e dakorduara shumëkombëtare të sigurisë. 

Zelenski shtoi se dokumenti me këto detaje do të publikohet vetëm pas armëpushimit. 

Presidenti i Ukrainës njoftoi se bisedimet tani do të vazhdojnë në qytetin amerikan Majami, ku pritet edhe Rusia ta japë përgjigjen e saj. Ai theksoi se nuk do të jetë i pranishëm në bisedime. fc/

Foto: DPA