Uashington, 10 korrik 2024 (MIA) - Norvegjia do t'i dhurojë gjashtë aeroplanë  luftarakë F-16 Ukrainës , njoftoi sot gazeta norvegjeze "Verdens Gang", duke e cituar kryeministrin norvegjez Jonas Gar Stjore në samitin e NATO-s në Uashington.

"Aftësia e Ukrainës për t'u mbrojtur kundër sulmeve ajrore është absolutisht thelbësore në luftën e saj mbrojtëse kundër Rusisë, kështu që Norvegjia ka vendosur të dhurojë gjashtë aeroplanë luftarakë F-16 në Ukrainë", tha Gar Stjore në samit. 

 Ai njoftoi dhurimin për herë të parë kur vizitoi Kievin gushtin e kaluar.

 Siç raportoi gazeta, Danimarka i dhuroi Ukrainës 19 aeroplanë luftarakë, Holanda ka premtuar 24, ndërsa Belgjika së fundmi njoftoi se do t'i dhurojë 30 aeroplanë.

 Një numër i vogël i pilotëve ukrainas janë duke përfunduar trajnimin e pilotëve F-16 në Danimarkë.

 Foto: EPA