Paris, 21 tetor 2025 (MIA) - Autoritetet franceze e kanë rritur nivelin e alarmit për shkak të përhapjes së gripit të shpendëve nga mesatare në të lartë, dhe kërkuan nga fermerët e shpendëve në mbarë vendin të mbajnë shpendët në ambiente të mbyllura, duke paralajmëruar se Evropa po përballet me epidemi sezonale të kësaj sëmundjeje. 

"Vendimi me të cilën theksohet rritja e nivelit të alarmit nga mesatare në të lartë është lëshuar pas dëshmive për infeksione te shpendët e egër migrues në Evropë, përfshirë Francën, si dhe epidemi të konfirmuara në disa ferma shpendësh", njoftoi Ministria franceze e Bujqësisë.

Në njoftimin e Ministrisë franceze të Bujqësisë konfirmohet se deri tani janë zbuluar dy epidemi të gripit të shpendëve në fermat franceze të shpendëve dhe tre në mbarështuesit shtepiak.

Rasti i parë i gripit të shpendëve u zbulua nga mesi i tetorit në një fermë fazanësh dhe thëllënza në veri të Francës. 

Gripi i shpendëve me patogjenietet të lartë është sëmundje sezonale që përhapet nga shpendët migrues, që shpesh i detyron mbarështuesit në mbarë botën të asgjësojnë dhjetëra miliona shpendë. qa/

Foto: Arkivi i MIA-s