Forcat pro-ruse: Ne filluam një sulm të madh në strehën e fundit të Azov
Moskë, 19 prill 2022 (MIA) - Luftëtarët e mbështetur nga Rusia po sulmojnë zonën ku fshihen mbrojtësit e fundit ukrainas të Mariupolit - kompleksi i fabrikës Azovstal, fabrika e hekurit dhe çelikut, tha zyrtari pro-Moskovës Eduard Barshurin, lider i Republikës Popullore të vetëshpallur, Doneck.
Ai tha gjithashtu se avionët luftarakë rusë dhe artileria po ndihmonin trupat sulmuese.
Qyteti strategjik portual jugor ka qenë nën rrethim nga trupat ruse që nga fillimi i marsit.
“Forcat ruse po bombardojnë fuqishëm zonën, ndërsa bombardojnë edhe zonat e banuara në një pjesë tjetër të qytetit”, deklaroi këshilltari i kryetarit të Mariupol.
Autoritetet ukrainase thonë se ka mijëra civilë në kompleksin e fabrikës Azovstal që janë strehuar në bunkerë dhe tunele në atë vend, por Barshurin e ka mohuar këtë.
Moska thotë se shumica e qytetit është nën kontrollin rus. Nëse i gjithë qyteti bie, do të ishte strategjikisht i rëndësishëm për Rusinë, e cila mund të fitojë kontrollin e pjesës më të madhe të Ukrainës jugore dhe lindore.
Rusia u ka bërë thirrje trupave ukrainase që e mbrojnë qytetin të dorëzohen. ls/
