Tel Aviv, 24 shtator 2025 (MIA) - Organizatorët e flotiljes pro palestineze, e cila ka për qëllim të dërgojë ndihmë në Gaza, njoftuan se Izraeli i ka sulmuar me "bomba shkrepëse, raketa shpërthyese dhe kimikate të dyshimta", duke u afruar drejt zonës së luftës, raportoi DPA.

"Forcat pushtuese izraelite kanë kryer të paktën 11 sulme ndaj Global Sumud Flotilla, ndërsa gjendej 600 milje detare (1.100 kilometra) nga Gaza, njoftoi në mëngjes organizata CODEPINK në rrjetet sociale.

"Izraeli po frikëson dhe terrorizon punonjësit humanitarë që po sjellin ndihma në ujërat ndërkombëtarë. Kërkoni kalim të sigurt për flotiljen. Jepini fund menjëherë bllokadës së Gazës", thuhet në deklaratë, e cila u nda edhe nga flotilja.

Global Sumud Flotilla publikoi një video në kanalet e saj duke pretenduar se shihen "bomba shokuese - pajisje shpërthyese jo-fatale të përdorura zakonisht nga policia ose ushtria. Ato janë të dizajnuara për të paaftësuar përkohësisht njerëzit pa shkaktuar lëndime të përhershme dhe shpesh përdoren për kontrollin e turmës ose në operacionet e shpëtimit të pengjeve".

Aktivistët pohojnë se kundër anijeve janë përdorur "raketa shpërthyese" dhe "kimikate të dyshimta" si dhe "dronë të paidentifikuar dhe ndërprerje të komunikimeve".

"Ne personalisht jemi dëshmitarë të këtyre operacioneve psikologjike pikërisht tani, por nuk do të frikësohemi", raportoi flotilja në Telegram.

Paraprakisht, Françeska Albaneze, raportuese speciale e KB-së për territoret palestineze, ndau edhe një video të flotiljes në profilin e saj në X.

"Sulmi i nëntë i raportuar ndaj anijeve humanitare në ujërat ndërkombëtar (në jugperëndim të Kretës) - në mes të natës! Ja: gjenocidal në tokë, i jashtëligjshëm detar në det", shënoi ajo në postim.

Global Sumud Flotilla, e cila u nis nga Barcelona në fund të gushtit me qindra aktivistë të anijeve, synon të thyejë bllokadën detare izraelite në bregun e Gazës dhe të dërgojë ndihmë humanitare për popullatën në enklavën luftarake. "Sumud" në gjuhën arabe do të thotë "qëndrueshmëri".

Izraeli në të kaluarën parandaloi disa përpjekje për thyerjen e bllokadës detare. sa/