Tetovë, 12 maj 2025 (MIA) - Në Gjykatën Themelore në Tetovë sot u mbajtën fjalët përmbyllëse të Prokurorisë, mbrojtjes, të pandehurve dhe përfaqësuesve ligjorë të familjeve të dëmtuara në kuadër të rigjykimit në të cilin akuzohen dy drejtorë dhe spitali i Tetovës në lidhje me zjarrin në spitalin modular më 8 shtator të vitit 2021 ku jetën e humbën 14 persona. Drejtorët Florin Besimi dhe Artan Etemi dhe ISHP Spitali Klinik në Tetovë, si persona juridik, akuzohen për veprën penale “krime të rënda kundër sigurisë publike”.

Përfaqësuesi i Prokurorisë theksoi se me provat dhe dëshmitë materiale dhe verbale të paraqitura, të akuzuarit kryen veprat penale dhe kërkuan që gjykata t'i shpallë fajtorë. Sipas Prokurorisë, dy drejtorët e akuzuar ishin të detyruar të instalonin pajisje kundër zjarrit, por nuk e kishin bërë këtë sipas rregullave të përcaktuara.

Drejt fjalëve përmbyllëse të Prokurorisë u përfshinë avokatë që kishin autoritetin për të përfaqësuar familjet e personave që humbën jetën në zjarr dhe pacientët e lënduar. Ata në emër të tyre i kërkuan gjykatës t'u caktojë dëmshpërblim dhe shpenzime. Njëri nga avokatët mbrojtës theksoi se palët e dëmtuara nuk mund t’i ushtrojnë të drejtat e tyre në një procedurë civile, sepse Gjykata Themelore e Tetovës së pari kërkon që të marrë formë të prerë kjo procedurë penale.

Avokati mbrojtës i personit juridik Institucioni Publik i Shëndetit- Spitali Klinik i Tetovës në fjalën e tij përfundimtare theksoi se spitali nuk duhet të shpallet fajtor, sepse nuk ishte i detyruar drejtpërdrejt për qendrat modulare Kovid. Ai theksoi se sipas kontratave të furnizimit, këto janë ministri qeveritare, megjithëse nuk e kundërshton faktin që spitali duhet të kujdeset për sigurinë. Ai tha se punonjësit gjatë dëshmisë theksuan se janë instaluar fikës zjarri.

Avokati i të akuzuarit, Florin Besimi në fjalët e tij përfundimtare theksoi se si drejtor, në marrëveshjen e menaxhimit me institucionin, nuk ishte i detyruar të instalonte pajisje kundër zjarrit dhe nuk e nënshkroi procesverbalin e pranimit të spitalit modular. Ai i kërkoi gjykatës që të lirojë të pandehurin nga përgjegjësia.

Edhe avokati i të akuzuarit, Artan Etemi, kërkoi gjithashtu lirim nga akuzat, duke theksuar se Prokuroria nuk arriti të provojë një zinxhir ngjarjesh me të cilin do të vërtetohet fajësia e klientit të tij.

Dy të pandehurit dhe përfaqësuesi i Spitalit klinik ranë dakord me argumentet përfundimtare të avokatëve të tyre dhe kërkuan lirim nga akuzat. Pas fjalëve përmbyllëse, gjykatësi Rexhep Musa theksoi se vendimi do të shpallet më 16 maj në orën 12:00. qa/

Foto: MIA