Uashington, 21 tetor 2022 (MIA) – Gjigandi farmaceutik amerikan Fajzer pret të katërfishojë çmimin e vaksinës së kundër Kovid-19 në SHBA në 110 deri në 130 dollarë për dozë pas përfundimit të programit aktual të qeverisë për prokurime, deklaroi drejtoresha ekzekutive, Angela Lukin. Qeveria amerikane aktualisht paguan rreth 30 dollarë për dozë, ndërsa tregu pritet të kalojë në sigurime private në vitin 2023 pasi të hiqet urgjenca shëndetësore. Lukin tha të enjten se ai pret që vaksina, të cilën qeveria aktualisht ua ofron të gjithë qytetarëve falas, të jetë në dispozicion pa kosto për qytetarët me sigurime private ose shtetërore. Voll strit pret rritje të tilla çmimesh për shkak të kërkesës së dobët për vaksinat kovid-19, që do të thotë se prodhuesit do të duhet të rrisin çmimet për të përmbushur parashikimet e të ardhurave për vitin 2023 dhe më tej. "Ne kemi besim se kostoja e vaksinës kundër kovid-19 në SHBA pasqyron efektivitetin e saj të përgjithshëm të kostos dhe siguron që nuk do të ketë pengesa për qasjen e pacientëve," tha Lukin. Nuk është ende e qartë se çfarë qasje do të kenë njerëzit pa sigurim shëndetësor në vaksinë. ls/