Ankara, 3 shkurt 2024 (MIA)   - Presidenti turk Rexhep Taip Erdogan ua dorëzoi çelësat e shtëpive të reja të ndërtuara qytetarëve që mbetën pa kulm mbi kokë nga tërmeti shkatërrues para një viti më parë në provincën Hataj.

"Sot në Hataj ua dorëzojmë çelësat e banesave të 7.275 shfrytëzuesve, nga të cilët 6.572 janë në qendrat tona provinciale dhe qarqeve, ndërsa 703 janë në zonat rurale", tha Erdogani, raportojnë mediat turke. 

Ai përkujtoi se tërmeti i 6 shkurtit të vitit 2023 shkaktoi shkatërrime të mëdha në 11 provinca, 124 qarqe, 7.000 fshatra dhe lagje dhe fatkeqësia preku drejtpërdrejt 14 milionë qytetarë. 

Në kuadër të punimeve ndërtimore që   momentalisht i kryen në rajon Ministria e Mjedisit Jetësor  dhe Urbanizimit, 110.450 punëtorë punojnë në rreth 930 kantierë në 11 qytete të prekura nga tërmeti.

Në zonën e prekur nga tërmeti, në afat prej dy muajsh shfrytëzuesve so t'u dorëzohen çelësat e 75.364 shtëpive, ndërsa deri në fund të vitit gjithsej 200 mijë. 

 Sipas vlerësimit të dëmeve në 11 qytetet e prekura nga tërmeti, gjithsej 850 mijë njësi, nga të cilat 680 mijë shtëpi dhe 170 mijë objekte tregtare, janë dëmtuar rëndë dhe të papërdorshme.

Dëmi i shkaktuar nga tërmeti u vlerësua në 104 miliardë dollarë, ndërsa më shumë se 53 mijë njerëz humbën jetën. 

Foto: Arkivi i MIA-s