Shkup, 21 shkurt 2023 (MIA) - EMV Shitje ka shpallur thirrje publike për blerje të gazit natyror për muajin mars të këtij viti për konsumatorët e tjerë të gazit natyror në vend, të cilët furnizimin do ta kryejnë përmes kësaj kompanie.

"EMV Shitje zhvillon procedurë përmes një thirrjeje publike për mbledhjen e ofertave nga kompani të licencuara vendase dhe të huaja të regjistruara për aktivitetin që kanë mundësinë të sigurojnë dhe dorëzojnë sasinë e nevojshme të gazit natyror për marsin e vitit 2023 për prodhimin e energjisë termike për ngrohtoret Lindje, Perëndim, Energjetikë dhe Shkup Veri, si dhe për konsumatorët e tjerë të gazit natyror në Republikën e Maqedonisë së Veriut, i cili do të furnizohet përmes EMV Shitje", njoftojnë nga kompania.

Thirrja publike zgjat nga sot deri më 24 të këtij muaji dhe ofertuesit duhet të dorëzojnë të dhënat për ofertën e tyre në lidhje me karakteristikat teknike të gazit, vendin e origjinës, garancinë, çmimin fiks për MWh, por edhe sasia e përgjithshme e ofruar.

Gjithashtu nevijitet edhe një deklaratë nga personi përgjegjës i ofertuesit që ai mund të sigurojë sasitë e specifikuara në periudhën për të cilën është bërë oferta, gjegjësisht për muajin mars në pikën e dorëzimit, stacioni kryesor matës (GMS) Zhidilovë, Republika të Maqedonisë së Veriut.

Thirrja publike është publikuar në ueb-faqen e EMV SHA www.esm.com.mk. mb/