Intervistuar nga: Branka D. NAJDOVSKA

Uashington, 15 korrik 2025 (MIA)-  Piter A. Mekallou është internist, kardiolog, epidemiolog me diploma nga Universiteti Bejlor, Shkolla Mjekësore e Universitetit të Teksasit, Universiteti i Miçiganit dhe Universiteti Jugor Metodist. Dr. Mekallou ka botuar mbi një gamë të gjerë temash mjekësore me mbi një mijë botime dhe më shumë se shtatëqind citime në Bibliotekën Kombëtare të Mjekësisë.

Ai është një figurë publike e njohur në mjekësi, veçanërisht në Shtetet e Bashkuara, dhe është një kontribuues i shpeshtë në platforma të shumta mediatike kryesore dhe të pavarura. Ai ka dëshmuar vazhdimisht në Senatin e SHBA-së, Dhomën e Përfaqësuesve të SHBA-së, Parlamentin Evropian dhe në shumë kryeqytete shtetërore në lidhje me politikat e shëndetit publik. Në Senatin e SHBA-së, ai dëshmoi konkretisht për epideminë Kovid-19 dhe nevojën për trajtim të hershëm të pacientëve me ilaçe ekzistuese të provuara, siç është ivermektina, në krahasim me ilaçet e shtrenjta dhe joefektive si remdesevir.

Si e lejoi SHBA-ja që të humbasë mbi një milion njerëz nga Kovidi?

“Qendra Kombëtare e SHBA-së për Statistikat e Shëndetit raportoi në vitin 2023 se afërsisht gjysma e "vdekjeve nga Kovid" nuk kishin pneumoni të listuara në të dhënat e tyre mjekësore. Meqenëse ishte vendosur të njiheshin testet pozitive në kohë dhe vdekje të ndryshme, nuk ka garanci për numrin e vërtetë të vdekjeve nga Kovid-19. Unë vlerësoj se, në kuptimin e ngushtë të fjalës, numri i vërtetë i vdekjeve nga Kovid-19 ishte afërsisht 120,000 njerëz. Fatkeqësisht, kam dëshmuar para Senatit dhe Kongresit të SHBA-së se rreth 85% e këtyre vdekjeve mund të ishin shmangur me trajtim të hershëm duke përdorur Protokollin Mekallou.

Cilat mendoni se janë efektet negative të vaksinave mRNA të Fajzerit dhe Moderna tek njerëzit që i bënë ato?

“Vaksinat mRNA të Fajzerit dhe Moderna ngarkojnë trupin e njeriut me proteinën potencialisht vdekjeprurëse, pjesën e mprehtë të virusit SARS CoV 2. Ka dëmtime rekord fizike dhe mendore, aftësi të kufizuara dhe vdekje midis atyre që kanë marrë një ose më shumë vaksina kundër Kovid-19.

A janë viruset që shkaktojnë Kovidin dhe Gripin e Shpendëve viruse të krijuara artificialisht? Nëse po, kush i krijoi ato dhe pse?

“Po, si SARS-CoV 2 (virusi që shkakton Kovid 19, n.z.) ashtu edhe H5N1 Clade 2.3.4.4b, një nëntip shumë i rrezikshëm i virusit të gripit të shpendëve, ishin produkte të gain of function research (hulumtim në të cilin vetitë e viruseve jo të rrezikshme për njerëzit ndryshohen artificialisht, në viruse që bëhen shumë infektive dhe të transmetueshme midis njerëzve, n.z.), hulumtim mjekësor që ndryshon gjenetikisht organizmin (e virusit, n.z.) në një mënyrë që mund të përmirësojë funksionet e tij biologjike (për shembull, të bëhet i rrezikshëm për njerëzit, n.z.), dhe kjo u bë në laboratorin në Vuhan (Kinë) dhe në Athinë, Gjeorgji, në mënyrë adekuate.

Në një prononcim tuajin i keni quajtur vaksinat armë biologjike...?

“Unë nuk i kam quajtur vaksinat “armë biologjike”.

Cili është qëllimi përfundimtar I këtij vaksinimi të fundit “të detyrueshëm”?

“Duke i detyruar popullatat e mëdha të vaksinohen gjenetikisht masivisht me vaksinat kundër Kovid-19, popullsia e botës është nënshtruar në mënyrë efektive. Kjo vërtetohet me ata që nuk donin të vaksinoheshin kundër Kovid-19.

Ju thoni se vaksinat janë një dogmë që është disa q2indra vjeçare…?

“Në librin tim "Vaksinat: Mitologjia, Ideologjia dhe Realiteti" ne argumentojmë se që nga përpjekjet e para për të vaksinuar kundër lisë, një kombinim i frikës së përhapur, krenarisë, parave dhe pushtetit ka çuar në fushën e vaksinologjisë që merr karakteristikat e një ideologjie. Feja e vaksinës pretendon se njerëzimi është i prekshëm ndaj sëmundjeve infektive dhe se përmes shkëlqimit të shkencës së vaksinave, njeriu mund të përmirësojë krijimin e Zotit. Megjithatë, për shkak se vaksinat nuk janë perfekte, të gjithë duhet t'i marrin ato në mënyrë që të funksionojnë. Nëse disa lëndohen ose vdesin nga vaksinimi, ideologjia thotë se duhet të pranohet për të mirën e përgjithshme.

Si u arrit që shumë mjekë, në vend që të ishin mbështetja më e rëndësishme për njerëzit, të jenë armiqtë e tyre?

“Duke promovuar vaksina të pasigurta dhe joefektive dhe duke injoruar efektet anësore të vaksinave, shumë mjekë janë bërë në mënyrë efektive armiq të pacientëve.

Çfarë problemesh ju shkaktoi promovimi i trajtimit të Kovid me ivermektinë?

“Ivermektina ishte zgjedhja në Protokollin Mekallou të vitit 2020. Është e rëndësishme të theksohet se sipas protokollit, asnjë ilaç nuk ishte i nevojshëm ose i mjaftueshëm. FDA e SHBA-së u padit nga Dr. Bouden, Apter dhe Marik për dhënien e deklaratave të rreme dhe mashtruese në lidhje me ivermektinën. Si rezultat, FDA hoqi deklaratat e saj të rreme në mënyrë që pacientët të mund të kuptonin më mirë përfitimet e ivermektinës në protokollet e hershme të trajtimit të Kovid-19.

Pse kishte kaq shumë propagandë negative në lidhje me trajtimin e Kovid-it me ivermektinë?

“Sepse ivermektina ishte ilaçi antiviral me veprimin më të shpejtë dhe klinikisht më efektiv sipas vëzhgimit tim klinik. Sipas mendimit tim, propaganda negative kundër ivermektinës ishte hartuar për ta bërë publikun të besojë se Kovid-19 nuk është i shërueshëm dhe se e vetmja mundësi për ta është vaksinimi i përsëritur dhe i pafund kundër Kovid-19.

A keni ndonjë njohuri në lidhje me efektet 3ositive të ivermektinës në trajtimin e pacientëve me kancer?

“Ekzistojnë studime të shumta paraklinike që tregojnë se ivermektina mund të ketë efekte të gjera antikanceroze dhe antineoplastike. Instituti Kombëtar i Kancerit i SHBA-së duhet të fillojë studime të mëdha klinike të rastësishme të ivermektinës tek pacientët me kancer.

Jashtë temës së Kovid 19, vaksinave dhe kancerit, sipas mendimit tuaj, cili është kufiri për tolerancën e tensionit të lartë të gjakut tek njerëzit e moshës së mesme? Në vendin tonë, për një tension më të lartë se 120/80, menjëherë jepen pilula?

“Tensioni i gjakut më i lartë se 140/85 konsiderohet i lartë dhe duhet të trajtohet nëse nuk ulet me masa jo-mjekësore.

Cila është këshilla bazë dhe kryesore që do t'u jepnit njerëzve për të ruajtur shëndetin e tyre psiko-fizik?

Për shumicën, është mirë të shmanget alkooli. Një dietë me burime të proteinave me cilësi të lartë dhe fruta e perime të freskëta është një zgjedhje e mençur. Kjo do të thotë shmangia ose eliminimi i sheqernave, niseshteve dhe yndyrnave të ngopura. Ushtrimet e përditshme aerobike dhe të forcës janë jetësore për shëndetin psiko-fizik.

Dr. Mekallou, në një intervistë me një media amerikane në lidhje me proteinën “spike” nga virusi SARS-CoV-2 dhe proteinën “spike” që trupi prodhon pas marrjes së vaksinave Fajzer dhe Moderna:

"Nuk kam parë kurrë diçka kaq të dëmshme për trupin e njeriut. Sulmon trurin, sulmon zemrën, shkakton dëmtime të trurit dhe zemrës. Sulmon palcën e kockave. Stimulon antitrupat që të fillojnë të sulmojnë trombocitet tona dhe qelizat e tjera në trupin tonë."

Shkakton mpiksje të gjakut dhe dëmtim të enëve të gjakut siç nuk e kemi parë kurrë më parë. Të dhënat nga Universiteti i Pitsburgut sugjerojnë se shkakton kancer. Që kur kemi një proteinë që në të vërtetë dëmton trurin, dëmton zemrën, dëmton palcën e kockave, dëmton sistemin imunitar, shkakton mpiksje të gjakut dhe potencialisht shkakton kancer?

Kjo është një armë. Në fakt, ka tre punime, një nga Farkas i botuar në Mjekësinë Ushtarake dhe një nga Tu Bej Jen i botuar në një para-botim - ato në fakt arritën në përfundimin se është një armë biologjike. Është një armë biologjike. Sipas kritereve të rrepta ushtarake, është një armë biologjike.