Shkup, 12 mars 2023 (MIA) - Sot nga liria janë privuar personat me iniciale N.B. dhe E.B. dhe janë mbajtur në stacionin policor sepse bashkë me edhe disa persona të tjerë rreth orës 1 në rrugën "Hristian Todorovski Karposh" në Shkup, në afërsi të qarkores në Radishan, fizikisht kanë sulmuar personat me iniciale P.P. (nëpunës i policisë i cili nuk ishte në punë), D.K. dhe F.G. 

Siç bëri të ditur MPB, sipas denoncimit, N.B., E.B. dhe M.S., të cilët ishin në një veturë të llojit "bmv", si dhe disa persona të tjerë me veturë "citroen" i kanë bllokuar rrugën veturës "reno" në të cilën ishin P.P., D.F. dhe F.G. dhe kishin filluar ta godisnin veturën dhe i kishin sulmuar fizikisht. Pastaj P.P. kishte gjuajtur disa herë në ajër nga pistoleta zyrtare, pas çka personat të cilët ishin me veturën "citroen" ishin arratisur.

Të sulmuarve u është ofruar ndihma mjekësore në Qendrën Klinike në Shkup. 

Është njoftuar prokurori publik dhe po ndërmerren masa për zbardhjen e rastit. fc/

Fotografia: Arkivi i MIA-s