Johanesburg, 21 janar 2024 (MIA) - Në një zjarr në një ndërtesë banuese në Johanesburg dy persona kanë humbur jetën, ndërsa katër janë lënduar, kumtuan autoritetet e qytetit.

Zjarrfikësit janë ende duke shuar zjarrin që përfshiu ndërtesën dykatëshe mëngjesin e sotëm, theksohet në kumtesën e Shërbimit për situata emergjente në Johanesburg.

Nuk dihet se sa njerëz janë ende në ndërtesë, deklaroi një zëdhënës i shërbimeve të urgjencës së qytetit për kanalin televiziv eNCA, transmetojnë mediat britanike.

Pas shuarjes së zjarrit do të kryhet hetim për shkaqet e zjarrit.

Më shumë se 70 persona kanë vdekur në gusht të vitit të kaluar në një zjarr që përfshiu një ndërtesë pesë-katëshe në Johanesburg, por përgjegjësia për zjarrin nuk është përcaktuar ende.

Mediat britanike theksojnë se varfëria, zjarret në amviseritë dhe të pastrehët janë të përhapura gjerë në qytetin e Afrikës së Jugut, Johanesburg. ls/