Shtutgart, 2 maj 2025 (MIA) - Disa persona u lënduan rëndë kur një automobil u përplas me një grup njerëzish në qytetin jugperëndimor gjerman të Shtutgartit, njoftoi sonte brigada e zjarrfikësve në X.

Shoferi i automjetit është arrestuar, tha një zëdhënëse e policisë, raportoi DPA.

Ndërsa zjarrfikësit e përshkruan incidentin si një aksident, policia ende nuk ka komentuar mbi kontekstin e përplasjes.

Incidenti ndodhi në stacionin e tramvajit Olgaek në qendër të qytetit.

Zjarrfikësit, ekipet e shpëtimit dhe policia ndodhen në vendngjarje, e cila është siguruar.

Sipas zëdhënëses së policisë, trafiku në stacion është bllokuar.

Ajo shtoi se dëshmitarët po merren në pyetje aktualisht.

Automjeti i përfshirë në incident ishte një Mercedes G-klas me ngjyrë të errët. sa/

Foto: DPA