Londër, 17 shtator 2025 (MIA) - Dhjetë fëmijë të sëmurë dhe të plagosur në gjendje kritike nga Gaza arritën me familjet e tyre në Britani të Madhe për mjekim, kumtoi sot Qeveria britanike.

Organizata botërore e shëndetësisë (OBSH) kumtoi se ka marrë pjesë në evakuimin e dhjetë fëmijëve, ndërsa në javët në vijim priten akoma të tjerë.

Fëmijët dhe familjet e tyre së pari u evakuuan nga Gaza në Jordani, ku për ta u kujdes personeli i Ambasadës britanike dhe i kaluan kontrollet e sigurisë para se të nisen drejt Britanisë së Madhe.

"Këta pacientë të rinj ishin dëshmitarë të tmerreve dhe asnjë fëmijë asnjëherë nuk duhet t'i shohë", tha ministri britanik i Shëndetësisë, Ves Striting, duke shtuar se arritja e tyre "e shënon fillimin e rrugës së tyre drejt rikuperimit".

"Vazhdojmë të kërkojmë mbrojtje të infrastrukturës mejkësore dhe punonjësve shëdnetësorë në Gazë dhe rritje të konsiderueshme të dërgesës së medikamenteve dhe materialeve shpenzuese", tha ministrja e Punëve të Jashtme, Ivet Kuper. ab/

fotо:МIА arkivi