Prishtinë, 16 janar 2025 (MIA) - Paneli zgjedhor për ankesa dhe parashtresa e dënoi Lidhjen Demokratike të Kosovës me 20.000 euro, Aleancën për Ardhmërinë e Kosovës me 12.000 euro, ndërsa Lëvizjen Vetëvendosje me 3.000 euro.

Ato parti janë dënuar për shkak të shkeljes së "kodeksit të sjelljes" gjatë fushatës për zgjedhjet parlamentare më 9 shkurt, e cila sapo filloi.

LDK u dënua me 20.000 euro pas ankesës së Vetëvendosjes, pasi kandidatja për deputete, Xheneta Sika publikoi video në Fejsbuk, ku e krahason kryeministrin, Albin Kurti me Adolf Hitlerin.

Si përgjigje të ankesës, LDK-ka kumtoi se kjo është bërë në profil, i cili nuk i takon Xheneta Sikas, por Paneli konfirmoi se video u publikua në profilin e saj dhe më vonë është fshirë.

Në vendimet, Paneli zgjedhor e dënoi edhe Lëvizjen Vetëvendosje me 3.000 euro për fyerje, të cilat kryeministri dhe lideri i Lëvizjes, Albin Kurti i dërgoi ndaj përfaqësuesve të Lidhjes Demokratike të Kosovës gjatë tubimit në Pejë më 13 janar.

Aleanca për Ardhmërinë e Kosovës u dënua me 12.000 euro pasi Lëvizja Vetëvendosje u ankua se lideri Ramush Haradinaj dhe kandidati për deputet i partisë, Ardian Gjini kanë dërguar akuza të pabaza ndaj Kurtit. bsh/