Shkup, 1 mars 2023 (MIA) -  Odat e Maqedonisë dhe mbi të gjitha Oda Ekonomike e Maqedonisë së Veriut, e cila është anëtare e barabartë e “Eurochambers”, duhet të përfshihen aktivisht në proceset integruese evropiane të vendit, vlerësoi në takimin e sotëm në Bruksel, zëvendëskryeministri përgjegjës për çështjet ekonomike, koordinimi i departamenteve ekonomike dhe investimeve, Fatmir Bytyqi dhe drejtorin ekzekutiv të "Eurochambers", Ben Baters.

Siç njoftoi zyra e shtypit e Qeverisë, Beters theksoi një dëshirë të hapur për bashkëpunim dhe u theksua përvoja që kishin pasur më parë me Kroacinë, ku Oda ekonomike kroate përdori shumëçka nga përvoja dhe burimet e "Eurochambers" për t'u përfshirë në mënyrë efikase dhe efektive në procesin e integrimit evropian të Kroacisë dhe për të ndihmuar realisht që ky proces të përfundojë në kohën më të shkurtër të mundshme.

Bytyqi informoi se Qeveria është e hapur për bashkëpunim me të gjitha odat, në fakt ai si koordinator i platformës për dialog publik-privat do të angazhohet për përfshirje më të madhe të odave ekonomike si palë aktive në procesin e integrimit evropian të vendi.

"Të dy bashkëbiseduesit u pajtuan se Maqedonia e Veriut, por sigurisht edhe vendet e mbarë BE-së, po përballen me mungesë të madhe të fuqisë punëtore të kualifikuar, pavarësisht nga niveli i kualifikimeve. Zëvendëskryeministri Bytyqi theksoi se Qeveria jonë është e gatshme të bashkëpunojë me "Eurochambers", përmes Odës Ekonomike të Maqedonisë së Veriut, për të ndërmarrë masa dhe aktivitete konkrete për të reduktuar këtë çekuilibrim në tregun e punës, dhe ne sikurse ekonomitë e BE-së të fillojmë, nëpërmjet sistemit tonë arsimor, të krijojmë gjithnjë e më shumë punëtorë që janë të gatshëm t'i bashkohen industrializimit 4.0", thuhet në njoftim.