Sofje, 16 janar 2025 (MIA) - Parlamenti i Bullgarisë sot zgjodhi Qeverinë e re e cila do të udhëhiqet nga kryeministri Rosen Zheljazkov.

"Për" votuan 125 deputetë, 114 “kundër”, ndërsa nuk pati asnjë abstenim.

Me këtë pas shumë përpjekjesh gjatë katër viteve të fundit, disa cikle zgjedhore dhe dy muaj e gjysmë pas zgjedhjeve të fundit parlamentare, Bullgaria më në fund ka dalë me qeveri të rregullt politike.

Qeveria e Zheljazkovit është mbështetur nga deputetët e GERB-SDS, BSP-Partia e Majtë e Bashkuar dhe "Ka një popull të tillë", si dhe nga partia DPS-DPS.

Kundër kanë votuar PP-DB, Rilindja, DPS-Fillimi i Ri dhe MEÇ.

Në kabinetin e ri qeveritar, koalicioni GERB-SDS ka 11 ministra, BSP - Partia e Bashkuar e Majtë pesë dhe "Ka një popull të tillë" do të ketë katër. DPS- DPS edhe pse e ka mbështetur, nuk do të jetë pjesë e Qeverisë së re.

Zheljazkovi dhe ministrat e rinj menjëherë pas zgjedhjes dhanë betimin.

Përbërja e Qeverisë së re të Bullgarisë:

Kryeministër – Rosen Zheljazkov;

Zëvendëskryeministër dhe ministër i Inovacionit dhe Rritjes – Tomislav Donçev

Zëvendëskryeministër – Atanas Zafirov

Zëvendëskryeministër dhe ministër i Transportit dhe Lidhjeve – Grozdan Karagjov

Ministre e Financave – Temenuzhka Petkova

Ministër i Punëve të Brendshme – Daniel Mitov

Ministër i Punëve të Jashtme – Georg Georgiev

Ministër i Zhvillimit Rajonal dhe Punëve Publike – Ivan Ivanov

Ministër i Punës dhe Politikës Sociale - Borislav Gucanov

Ministër i Mbrojtjes – Atanas Zaprijanov

Ministër i Drejtësisë – Georgi Georgiev

Ministër i Arsimit dhe Shkencës – Krasimir Valçev

Ministër i Shëndetësisë – Silvi Kirilov

Ministër i Kulturës – Marijan Baçev

Ministër i Bujqësisë dhe Ushqimit – Georgi Tahov

Ministër i Mjedisit Jetësor dhe Ujërave – Manol Genov

Ministër i Ekonomisë dhe Industrisë – Petar Dilov

Ministër i Energjetikës – Zheço Stankov

Ministër i E-Qeverisjes – Valentin Mundrov

Ministër i Turizmit – Miroslav Borshosh

Ministër i Rinisë dhe Sportit – Ivan Peshev.

Foto: BTA