Bruksel, 21 prill 2024 (MIA) - Përfaqësuesi i lartë i BE-së për politikë të jashtme dhe siguri, Zhosep Borrell e ka përshëndetur rezultatin e votimit të mbrëmshëm në Dhomën e përfaqësuesve të SHBA-së për projektligjin për ndihmën për Ukrainën, Izraelin dhe rajonin Indo-Paqësor.

“Përshëndes rezultatin e votimit të sotëm në Dhomën e përfaqësuesve të Kongresit amerikan. Ukraina do të ketë mbështetjen transatlantike që i nevojitet për t'i rezistuar agresionit rus", njoftoi Borrell në Platformën Iks.

Shumica dypartiake në Dhomën e përfaqësuesve të SHBA-së miratoi një projekt-ligj që i siguron Ukrainës, Izraelit dhe aleatëve të SHBA-së në rajonin Indo-Paqësor fonde shtesë që arrijnë në 95 miliardë dollarë. mb/

Foto. EPA