Bejrut, 25 shtator 2024 (MIA) - Edhe pse veprimet izraelite kundër Hezbollahut, duke përfshirë edhe vrasjen e disa komandantëve, shpërthimin e pejxherëve dhe voki-toki-ve, si dhe një seri sulmesh ajrore që filluan të hënën, në mënyrë të ndjeshme kanë dëmtuar grupin shiit, shkruan Bi-Bi-Si në analizë, fuqia e Hezbollahut mbetet e shkëlqyer.

Theksohet se projektili që Hezbollahu lëshoi ​​në Tel Aviv dhe u shkatërrua nga mbrojtja ajrore izraelite, është raketë balistike e prodhuar nga Irani, Kadër-1, raketë balistike me rreze të mesme veprimi që është e aftë të mbajë një mbushje prej 700 deri 1.000 kilogramë. Raketa do të mjaftonte për të shkatërruar ndërtesa më të mëdha.

Hezbollahu ka arsenal prej 100.000 deri 150.000 raketa, dronë dhe raketa. Besohet se deri në 10.000 prej tyre janë raketa balistike me rreze të mesme, siç është Fateh-110, të cilat mund të arrijnë deri në Tel Aviv dhe shumicën e qendrave të banuara në Izrael. Jerusalemi konsiderohet objektiv më pak i mundshëm për shkak të popullatës së madhe palestineze aty.

Muajin e kaluar, Hezbollahu publikoi video në të cilën mburrej me arsenalin e tij nëntokësor prej këtyre projektileve, duke kërcënuar se do t'i gjuante drejt Izraelit nëse shpërthen luftë.

Operacioni i Izraelit "Shigjeta veriore", i nisur këtë javë, kërkon të shkatërrojë sa më shumë nga ky arsenal, duke përfshirë raketat e fshehura në shtëpi private dhe garazhe, sipas Izraelit.

Por, rrjeti nëntokësor i tuneleve dhe shpellave të Hezbollahut, i ndërtuar thellë në shkëmbinjtë e Libanit jugor, është i madh. Edhe krahas të gjitha sulmeve ajrore, Hezbollahu ka ende aftësi për të lëshuar sasi masive raketash në qytetet izraelite, por udhëheqësia e tij e di gjithashtu se hakmarrja izraelite do të ishte shkatërruese për Libanin, njofton Bi-Bi-Si. rq/bsh/

Foto: EPA