Kishinjev, 29 shtator 2025 (MIA) - Përfaqësuesit e lartë të Bashkimit Evropian kanë përshëndetur lajmin se partia në pushtet e presidentes moldave Maja Sandu ruajti shumicën parlamentare në zgjedhjet e mbajtura dje.

"E ardhmja e Moldavisë është në Evropë!", shkroi kryetarja e Parlamentit Evropian, Roberta Mecola në rrjetin Iks.

Kryetari i Këshillit Evropian, Antonio Koshta vlerësoi se zgjedhjet janë një moment historik për vendin. "Populli i Moldavisë ka zgjedhur demokracinë, reformat dhe të ardhmen evropiane, pavarësisht presionit dhe ndërhyrjes nga Rusia. BE-ja është me Moldavinë në çdo hap të rrugës", tha ai.

Shefja e diplomacisë evropiane Kaja Kallas shtoi se, pavarësisht përpjekjeve të Rusisë për të përhapur dezinformata dhe për të blerë vota, “asnjë forcë nuk mund të ndalë popullin që mbështesin lirinë”.

Kryetarja e Komisionit Evropian Ursula fon der Lajen theksoi se qytetarët moldavë kanë zgjedhur përsëri Evropën, demokracinë dhe lirinë. "Dera jonë është e hapur dhe ne do të jemi me ju në çdo hap të rrugës. E ardhmja është e juaja", tha ajo.

Moldavia, një vend i varfër me rreth 2.4 milionë banorë, është kandidate për anëtarësim në BE nga viti 2022.

Foto: DPA