Bruksel, 22 dhjetor 2023 (MIA) - Drejtoria palestineze, e cila pjesërisht e kontrollon Brengun Perëndimor, duhet të marrë financim nga BE-ja prej më shumë se 118 milionë eurove, publikoi kryetarja e Komisionit Evropian, Ursula fon der Lajen. 

Miratimi u arrit pas një kontrolli të kujdesshëm, tha Fon der Lajen në Bruksel. Për momentin mendohet për mbështetjen e ardhshme afatgjatë me planet e përfunduara për vitin 2024, tha kreu i ekzekutivit të BE-së.

Shuma e sapo miratuar do të merret nga fondi ekzistues i rezervuar për vitet 2021-2024 dhe në vlerën 1.2 miliardë euro. Synohet të ndihmojë autoritetin palestinez të paguajë pagat dhe pensionet për nëpunësit civilë dhe për pagesat sociale për familjet e varfra.

BE-ja ka vënë nën inspektim të kujdesshëm ndihmën për palestinezët pas sulmeve të 7 tetorit nga Hamasi në Rripin e Gazës. Nuk gjeti asnjë provë se paratë e BE-së janë riorientuar për të financuar terrorizmin, njoftoi DPA. ls/