Shkup, 12 nëntor 2024 (MIA) - Efektivë të policisë dje kanë kryer bastisje në shtëpinë e e B.J. (39) në Shkup, me ç'rast janë gjetur 30 kartëmonedha në prerje prej 20 euro, të cilat dyshohet se kanë origjinën nga vjedhja e bankomateve, pesë pistoleta, një qese materie të ngurtë të bardhë, telefona celularë dhe të tjera. 

Gjithashtu, efektivët e policisë kanë kryer bastisje të një automjeti motorik "mercedes" me targa të Shkupit, me ç'rast janë gjeur thasë në të cilat ka pasur 21 qese marihuanë dhe sende tjera.

"Sendet e gjetura janë marrë dhe dorëziar për ekspertizë. Pas dokumentimit të plotë të rastit, kundër B.J do të ngrihet kallëzim penal sipas nenit 396 "përpunim i paautorizuar, mbajtje, posedim dhe tregtim me armë ose materie shpërthyese" dhe nenit 215 "prodhim i paautorizuar dhe lëshim në qarkullim të drogave narkotike, substancave psikotrope dhe prekursorë" nga KP, informojnë nga MPB-ja. mb/

Foto: MIA