Bajdeni të hënën do të mbajë fjalimin kryesor në konventën demokratike në Çikago
- Presidenti amerikan Xhizef Bajdeni do ta mbajë fjalimin kryesor në Konventën Kombëtare Demokratike në Çikago të hënën, kur në mënyrë simbolike do t'ia dorëzojë udhëheqjen e partisë nënkryetares dhe kandidates demokrate për presidente Kamala Harris.
- Post By Ajrije Rexhepi
- 16:52, 17 gusht, 2024
![Bajdeni të hënën do të mbajë fjalimin kryesor në konventën demokratike në Çikago](https://mia.mk/images/20240817165212_big_730x400_62.webp )
Uashington, 17 gusht 2024 (MIA) - Presidenti amerikan Xhizef Bajdeni do ta mbajë fjalimin kryesor në Konventën Kombëtare Demokratike në Çikago të hënën, kur në mënyrë simbolike do t'ia dorëzojë udhëheqjen e partisë nënkryetares dhe kandidates demokrate për presidente Kamala Harris.
Në fjalimin e tij, Bajdeni do të insistojë që nëse ish-presidenti amerikan dhe kandidati republikan për president Donald Trampi kthehet në Shtëpinë e Bardhë, kjo do të paraqesë një kërcënim për demokracinë në SHBA, deklaruan bashkëpunëtorët e Bajdenit, raportuan mediat amerikane.
Ndihmësit thanë se folësit e konventës pritet t'i nënvizojnë arritjet e Bajdenit gjatë presidencës së tij, duke përfshirë masat e zbatuara gjatë pandemisë së koronës, deri te investimet e mëdha infrastrukturore dhe reformat në mbrojtjen shëndetësore.
Është paralajmëruar se Zonja e Parë e SHBA-së, Xhil Bajdeni den dhe anëtarë të tjerë të familjes Bajden do të jenë të pranishëm në Konventën Kombëtare Demokratike në Çikago.
Bajdeni u tërhoq nga fushata e rizgjedhjes më 21 korrik pas presionit nga Partia Demokratike për ta bërë këtë, kur e mbështeti Harrisin që të jetë kandidat demokrat për president.
Foto: EPA