Limë, 16 nëntor 2024 (MIA) – Presidenti amerikan në largim Xho Bajden në samitin e Bashkëpunimit Ekonomik Azi-Paqësor (APEK) në Limë, paralajmëroi se po vijon një epokë e ndryshimeve të mëdha politike në botë. 

“Po vijmë në një moment të ndryshimeve të rëndësishme politike”, tha Bajdeni gjatë takimit me liderët e Japonisë dhe të Koresë së Jugut, duke shtuar se, megjithatë, aleanca e tyre trepalëshe është ndërtuar që të zgjasë. 

Në margjinat e samitit të APEK në Limë, Bajdeni për herë të parë u takua me presidentin koreanojugor Jun Suk – Jol dhe me kryeministrin japonez Shigeru Ishiba, i cili e mori funksionin në tetor. 

Presidenti amerikan në largim e lavdëroi bashkëpunimin e rritur mes SHBA-së, Koresë së Jugut dhe Japonisë si përgjigje për shqetësimin për lidhjet e përforcuara ushtarake të Koresë së Veriut me Rusinë. 

Bajdeni e theksoi rolin kyç të aleancës trepalëshe në kundërshtimin e, siç theksoi, “bashkëpunimit të rrezikshëm dhe destabilizues të Koresë së Veriut dhe Rusisë”.

SHBA-ja, Japonia dhe Koreja e Jugut në deklaratën e përbashkët nga Samiti, ashpër e dënojnë vendimin e liderëve koreanoveriorë dhe rusë “rrezikshëm ta përshkallëzojnë luftën në Ukrainë”. 

Tre vendet vlerësojnë se vendosja e trupave të Koresë së Veriut në Rusi për mbështetje të Moskës në luftën e saj kundër Ukrainës, si dhe programi koreanoverior për armë bërthamore dhe pikëpamjet e ulura për zgjidhje paqësore të konfliktit shumë dekadash me Korenë e Jugut, shkaktojnë tensione të rritura në Azi. fc/

Fotografia:EPA