Bejrut, 30 tetor 2022 (MIA) - Me brohoritjet e disa mijëra ndjekësve të tij, presidenti libanez Mishel Aun u largua sot nga pallati presidencial në kodrën mbi Bejrutin. Largimi i presidentit vjen vetëm një ditë para përfundimit të mandatit të tij, por vjen në një kohë kur pasardhësi i tij nuk është zgjedhur, gjë që mund të krijojë një vakum politik në një vend që po përballet me një krizë jashtëzakonisht të madhe ekonomike dhe politike. Disa mijëra njerëz u mblodhën për të nderuar maronitin, krishterin libanez, ish-komandant ushtarak dhe udhëheqës i Lëvizjes Patriotike të Lirë, një parti aleate e lëvizjes së fuqishme shiite pro-iraniane Hezbollah. Mbështetësit e partisë së tij, disa duke mbajtur portrete të Aunit, të cilin shumica e quajnë "gjenerali", arritën në pallatin presidencial në një kodër mbi kryeqytetin Bejrut, ku disa madje kaluan natën në tenda, në mënyrë që ta dërgonin në shtëpinë e tij. Deputetët në parlamentin libanez janë përpjekur katër herë për një muaj, por nuk arritën,  të zgjedhin një pasardhës të Aunit, mandati gjashtëvjeçar i të cilit përfundon nesër, duke rritur frikën për një krizë politike të thelluar. Mandati i Aunit, politikan i cili është në fund të 80-tave, është shënuar me protesta masive, një krizë e rëndë ekonomike, një kolaps i monedhës dhe një shpërthim i nitratit të amonit në gusht të vitit 2020 në portin e Bejrutit që vrau qindra njerëz, duke përfshirë edhe atë që shkatërroi një pjesë të madhe të vendit. Aktualisht, Libani udhëhiqet nga një qeveri teknike, pasi ndarjet politike pas zgjedhjeve parlamentare në pranverë penguan formimin e një qeverie të re. sa/