Damask, 16 mars 2023 (MIA) - Damasku do ta përshëndeste çdo propozim të Rusisë për formim të bazave të reja ushtarake apo rritje të numrit të ushtarëve në Siri, deklaroi presidenti sirian, Bashar al Asad.

 

Vlerësojmë se nëse Rusia ka dëshirë t'i zgjerojë bazat e veta apo ta rrisë numrin e tyre, atëherë ajo është çështje e natyrës teknike apo logjistike. Nëse ekziston një dëshirë e tillë, atëherë mendojmë se zgjerimi i pranisë ruse në Siri është i mirë, ai do t'i shërbejë kësaj ideje", tha ai në intervistën e sotme për RIA Novosti, transmetojnë mediumet ruse.

 

Asad në Moskë, gjatë bisedimeve me presidentin rus, Vlladimir Putin tha se prnaia ushtarake ruse në vendin e tij nuk duhet të jetë e përkohshme dhe e kufizuar vetëm në luftën kundër terrorizmit.

Presidenti sirian, Bashar al Asad i ofroi mbështetje presidentit rus Vlladimir Putin në konfliktin ukrainas gjatë vizitës së djeshme në Moskë. Takimi mes dy liderëve në Moskë ndodhi kur mijëra sirianë demonstruan në pjesën veriperëndimroe të vendit, të kontrolluar nga kryengritësve, me rastin e 12-vjetorit të fillimit të protestave prodemokratike në vitin 2011, të cilat regjimi i Asadit i shkatërroi brutalisht me ndihmën ruse.

Në takimin me Putinin në Kremlin, që u transmetua drejtpërdrejtë në televizion, Asadi tha se Rusia lufton kundër neonazistëve dhe "nazistëve të vjetër" në Ukrainë, sipas përkthimit rus.

Pa ofruar dëshmi, Asadi tha se Perëndimi i ka pranuar "nazistët e vjetër" dhe se tani i mbështetë. Kievi dhe Perëndimi thonë se akuzat ruse se Ukraina është bër.ë vatër e nazizmit janë arsyetim i pabazë për luftën e paprovokuar agresive në Ukrainë. ab/

Foto: ЕPА