Islamabad, 10 nëntor 2025 (MIA) - Armata pakistaneze sot bëri të ditur se ka vrarë 20 talebanë pakistanezë në veriperëndim të vendit, pranë kufirit me Afganistanin.

Armata shtoi se talebanët e vrarë ishin nga organizata e ndaluar militante TTP, të cilën edhe SHBA dhe Kombet e Bashkuara e kanë shpallur si organizatë terroriste.

 TTP është e ndarë nga talebanët afganë, por është aleate me ta dhe shpesh merr përgjegjësinë për sulmet në Pakistan.

 Pakistani dhe Afganistani gjatë fundjavës akuzuan njëri-tjetrin për dështimin e raundit të tretë të bisedimeve të paqes në Stamboll.

 Bisedimet, të ndërmjetësuara nga Katari dhe Turqia, filluan muajin e kaluar pas përleshjeve vdekjeprurëse kufitare ku humbën jetën dhjetëra ushtarë dhe civilë.

 Foto: Arkivi i MIA-s