Tel-Aviv, 20 gusht 2025 (MIA) - Armata izraelite i ndërmori hapat e parë në operacionin e vet për vendosje të kontrollit ndaj qytetit të Gazës, kumtoi zëdhënësi i saj, gjenerali brigadier, Efi Defrin.

Më herët sot, ministri izraelit i Mbrojtjes, Izrael Kac e miratoi operacionin në të cilin është planifikuar të mobilizohen 60.000 rezervistë dhe të vazhdohet shërbimi i 20.000 ushtarëve.

"Filluam me operacione preliminare dhe fazat e para të sulmit ndaj Gazës, ndërsa forcat e armatosura izraelite tashmë po i mbajnë periferitë" në qytetin më të madh në Rripin me të njejtin emër", deklaroi sonte gjenerali Defrin. Ai e përshkroi Hamasin si "lëvizje guerile" e cila pësoi goditje të rënda. ab/