Shkup, 9 gusht 2025 (MIA) - NP Ujësjellës dhe Kanalizim - Shkup u bën apel banorëve të Shkupit që ta përdorin ujin e pijshëm në mënyrë racionale dhe me kujdes për shkak të konsumit jashtëzakonisht të rritur.

"Prodhimi ditor arrin mbi 350.000 metra kub ujë. U bëjmë apel qytetarëve të Qytetit të Shkupit që ta përdorin dhe shfrytëzojnë ujin e pijshëm në mënyrë racionale, pra të shmangin ujitjen e sipërfaqeve më të mëdha, freskimin e oborreve, rrugëve dhe shpërdorimin e panevojshëm të ujit gjatë ditëve të nxehta", njoftoi ndërmarrja publike.

Theksojnë se "konsumi kaq shumë i rritur dhe i pakontrolluar i ujit në baza ditore shkakton prishje të stabilitetit të sistemit të furnizimit me ujë".

"Si rezultat i të gjitha këtyre, sistemi i furnizimit me ujë i qytetit funksionon me presion të reduktuar dhe me ndërprerje të herëpashershme të ujit në pjesë të qytetit", thuhet në apelin e Ujësjellësit të Shkupit.

Kompania u bën thirrje qytetarëve të kryeqytetit, nëse vërejnë ndonjë rrjedhje uji, ta raportojnë atë në numrin e telefonit 02 3073 010 ose në kontakt@vodovod-skopje.com.mk dhe www.vodovod-skopje.com.mk  mb/

Foto: MIA