Shkup, 4 tetor 2025 (MIA) - Në Samitin digjital të Ballkanit Perëndimor, ministri i Transformimit Digjital, Sefan Andonovski e prezantoi siper aplikaiconin e ri nacional m.Uslugi, duke e quajtur "revolucion të mendjes dhe ndarjes". Super aplikacioni do të thotë se aplikacioni do t'i përmbajë të gjitha shërbimet që shteti ua ofron qytetarëve, me mundësi për deponimin e dokumenteve elektronike, shërbimeve më të përdorura, përkujtues për skafdimin e afateve dhe kutisë postare elektronike.  

"Ky është një aplikacion që e mban shtetin në pëllëmbë të dorës - një aplikacion për të gjitha dokumentet e rëndësishme, një aplikacion për gjithçka. m.Uslugi është super-alikacioni i ri dhe i vetëm, i thjeshtë për shkarkim, listim, anëtarësim dhe përdorim", deklaroi Andonovski.

Aplikacioni m.Uslugi mundëson që qytetarët t'i kenë dokumentet e tyre më të rëndësishme, mes të cilëve edhe letërnjoftimin, drejtpëdrejtë në telefonin e tyre celular, me siguri të plotë dhe kontroll ndaj të dhënave personale. Përmes kodit QR ultra të sigurt mundësohet ndarje e informacioneve pa rrezik, me përdorim të enkripsionit me standarde më të larta të sigurisë.

Në fazën e parë, aplikacioni ofron dy nga shërbimet publike më të përdorura, sipas nevojave të qytetarëve. Siç theksoi ministri, ky ëshgtë vetëm fillimi.

"Çdo version i ri do të sjellë shërbime të reja dhe befasi të reja për ne", shtoi Andonovski.

Kryemimistri Hristian Mickoski, në fjalimin në samitin, e theksoi rëndësinë e aplikacionit m.Uslugi për të ardhmen e transformimit digjital të vendit dhe shtoiu se "është fillimi i revolucionit digjital që do ta ndryshojë rrënjësisht shtetin.

"Me krenari prezantojmë aplikacionin m.Uslugi. Është simbol i epokës së re - të gjitha dokumentet në një portofol digjital, shkëmbim i sigurt i të dhënave, përkujtues për afatet dhe detyrimet, transparencë dhe besim i plotë", tha Mickoski dhe shprehu falënderime të veçanta për ministrin Andonovski dhe ekipin e tij për, siç tha ai, "punën e palodhur dhe të rreptë" në zbatimin e kësaj iniciative.

Me këtë aplikacion, Maqedonia po bën një hap të madh drejt transformimit digjital, duke siguruar qasje moderne, efikase dhe të sigurt në shërbimet publike për çdo qytetar. mb/

Foto: Ministria e Transformimit Digjital