Shkup, 21 janar 2025 (MIA) - Ministri i Tranformimit Digjital, Stefan Andonovski pasdite deklaroi se është kundër marrjes së anës në lidhje me ndalimin e aplikaiconeve si "Tik Tok", por, mundësia për diçka të tillë, kompetentëve "u qëndron në dispozicion". Ai në konferencë për shtyp u pyet nëse për shkak të sfidave të rrezikshme në "Tik Tok" mendohet për restriksione nëpër shkolla.

Andonovski tha se është përpunuar një manual që është shpërndarë me Shërbimin pedagogjik nga Ministria e Arsimit dhe Shkencës. Ka pasur disa takime me përfaqësues të Ministrisë.

"Ky manual do të synojë që të gjithë mësuesit në të gjitha shkollat, fillore dhe të mesme, të bisedojnë me fëmijët, me nxënësit për sfidën që po ndodh me rrjetet sociale, sepse këto janë mjete me mundësi të pakufizuara. Por për fat të keq, asnjë prej nesh nuk është trajnuar ndonjëherë se si t'i përdorë ato siç duhet. Manualin e filluam këtu, do ta publikojmë edhe në ueb-faqen tonë, nëse nuk është publikuar tashmë. Ekziston gjithashtu një kod që të çon në faqe interneti ose mjete të dobishme që prindërit mund të përdorin për të kufizuar aksesin për secilin prej fëmijëve të tyre. Që do të thotë nëse mund të kufizonin uebsajte ose aplikacione të veçanta brenda familjes, në mënyrë që të mos mund të shkarkoheshin ose përdoren? Menduam se ky duhet të jetë hapi i parë", shpjegoi ministri.

Hapi i dytë, siç theksoi, është qendra për interenet më të sigurt që në mënyrë plotësuese do të japë resurse dhe ndihmë për këta fëmijë. Ai pret që të formohet deri në fund të vitit, duke theksuar se po punohet në fizibiliti studime me partnerët.

"Opsioni i tretë i disponueshëm për ne është ndalimi i plotë i këtyre aplikacioneve. Thashë se isha kundër shkeljes së neutralitetit të rrjetit dhe mbajtjes së anës në drejtim të ndalimit të aplikacioneve. Sepse nëse ndaloni një aplikacion, ekziston një probabilitet i lartë që fëmijët të kalojnë në një tjetër dhe shteti nuk duhet të jetë ai që ndalon vazhdimisht aplikacionet dhe në këtë mënyrë shkel parimet demokratike të shoqërisë. Por nëse vërejmë se këto masa që po i marrim tani nuk janë të mjaftueshme, sigurisht që mund ta ruajmë të drejtën për të ndërmarrë masa të tilla me ndryshime të caktuara në Ligjin për komunikime elektronike", u përgjigj Andonovski.

I pyetur lidhur me mashtrime për keqpërdorim të të dhënave personave, nëse ndërmerret diçka në këtë fushë, Andonovski bëri thirrje që ato të denoncohen në MPB.

Ministri tha se i nxit qytetarët të paraqesin mashtrimet onlajn në Ministrinë e Punëve të Brendshme. Andonovski alarmoi që të mos bëhen pre e mashtrimeve, të verifikohet disa herë para se të klikohet në atë link. mb/

Foto: MIA