Shkup, 16 shtator 2024 (MIA) - Në Ministrinë e Punëve të Jashtme dhe Tregtisë së Jashtme sot është thirrur ambasadori i Republikës së Bullgarisë, Zheljasko Radukov, ku, siç informojnë nga Ministria është shprehur shqetësim nga Ministria për shkak të devijimi nga protokolli për fotografimin e dy Presidentëve, me ç'rast në mënyrë plotësuese është kërkuar sqarim nga pala bullgare.

"Në bisedë me ambasadorin bullgar është precizuar se takimi dhe dreka e përbashkët e dy Presidentëve kanë kaluar në atmosferë miqësore. Në mënyrë plotësuese, ambasadorit Radukov i është thënë se  Ministria e Punëve të Jashtme dhe Tregtisë së Jashtme është befasuar keq nga deklarata e fundit e ambasadorit Angell dimitrov, kryesues i pjesës bullgare nga Komisioni i përbashkët ekspert multidispilinar dhe çështje arsimore, të dhënë në emisionin "Ofansiva me Lubomir Ognjanov" në "NOVA Vesti". Deklarata në thelb e prish parimin se kryesuesi i komisionit ekspert nuk duhet të japë deklarata politike për Qeverinë fqinje, e cila është e zgjedhur në mënyrë legjitime. Konsiderojmë se kjo deklaratë është joadekuate dhe e paprecddent", thuhet në kumtesën e MPJTJ-së.

Në takimin në MPJTJ-së, të ambasadorit Radukov gjithashtu i është transmetuar se Republika e Maqedonisë së Veriut edhe më tej mbetet e përkushtuar në zhvillimin pozitiv, avancimin dhe përforcimin e marrëdhënieve dypalëshe dhe bashkëpunimin në të gjitha fushat me interes të përbashkët për dy vendet dhe kombet e tyre, për çka është konfirmuar gatishmëria edhe nga pala tjetër.

Për shkak të fotografimit para flamurit bullgar të presidentëve Rumen Radev dhe Gordana Siljanovska Davkova në takimin e pardjeshëm në Sofje, nga pala maqedonase është paralajmëruar notë proteste për ambasadorin bullgar në vend Zheljasko Radukov. Demarshi i ambasadorit bullgar, siç bëjnë të ditur burime nga Ministria e Punëve të Jashtme, do të bëhet nga drejtori i Drejtorisë përgjegjëse për rajonin.

Takimi Radev-Siljanovska Davkova ishte pjesë e aktiviteteve të presidentes maqedonase gjatë vizitës së saj në Sofje me rastin e shfaqjes së Operës së Maqedonisë në Sofje me "Nabuko", si hap i diplomacisë kulturore. Në delegacionin e RMV-së ishin ministri i Punëve të Jashtme dhe Tregtisë së Jashtme, Timço Mutsunski dhe ministri i Kulturës, Zoran Lutkov.

Ambasadori i sapoemëruar i Bullgarisë, Zheljasko Radukov, më 10 shtator ia dorëzoi letrat kredenciale presidentes Siljanovska Davkova, duke zëvendësuar ambasadorin e mëparshëm Angell Angellov. mb/

Foto: MIA