Aeroplani nga Korfuzi për në Londër bën ulje të detyrueshme në Romë për shkak të turbulencave
- Për shkak të turbulencave gjatë fluturimit mbi Italinë, një aeroplan nga ishulli i Korfuzit për në Londër ka bërë ulje të detyrueshme në Romë, ndërsa lëndime të lehta kanë marrë dy stjuardesa, bëri të ditur televizioni shtetëror grek ERT, njofton korrespondentja e MIA-s nga Athina.
- Post By Fami Bajrami
- 10:48, 22 gusht, 2024
![Aeroplani nga Korfuzi për në Londër bën ulje të detyrueshme në Romë për shkak të turbulencave](https://mia.mk/images/20240822102351_big_730x400_76.webp )
Athinë, 22 gusht 2024 (MIA) - Për shkak të turbulencave gjatë fluturimit mbi Italinë, një aeroplan nga ishulli i Korfuzit për në Londër ka bërë ulje të detyrueshme në Romë, ndërsa lëndime të lehta kanë marrë dy stjuardesa, bëri të ditur televizioni shtetëror grek ERT, njofton korrespondentja e MIA-s nga Athina.
Aeroplani me 181 udhëtarë dje pasdite është nisur nga ishulli grek i Korfuzit, turbulencat janë paraqitur teksa ka qenë në hapësirën ajrore italiane, me çka piloti ka njoftuar kontrollin e fluturimit dhe ka marrë urdhër të aterojë menjëherë në aeroportin Fjumiçino të Romës.
Dy stjuardesa janë lënduar lehtë pasi humbën ekuilibrin dhe ranë teksa po përgatiteshin për t'u shërbyer pasagjerëve.
Asnjë nga udhëtarët nuk është lënduat dhe të gjithë në gjendje të mirë shëndetësore kanë vazhduar udhëtimin e tyre për në Londër me një aeroplan tjetër të kompanisë. rq/
Foto: ERT