Shkup, 20 nëntor 2025 (MIA) - Komisioni për selektimin e kandidatëve për kryetarë të Komisionit Shtetëror për Parandalimin e Korrupsionit (KSHPK) që u formua nga Komisioni kuvendor për çështje të zgjedhjeve dhe emërimeve ka vlerësuar kandidatin Adem Çuçuli nga Shkupi, jurist i dipomuar dhe sekretar i përgjithshëm aktual në KSHPK, si më të suksesshmin në procedurën e përzgjedhjes. 

Sipas Komisioni, Çuçuli tregoi përvojë të konsiderueshme në parandalimin e korrupsionit dhe konfliktit të interesit, si dhe një vizion të qartë dhe plan konkret për punën dhe zhvillimin e KSHPK-së. 

Ai dha përgjigje të shkëlqyera për të gjitha pyetjet e parashtruara të përgjithshme dhe të veçanta, pas çka fitoi gjithsej 96,50 pikë, duke e renditur atë lartë midis kandidatëve. 

I dyti renditet Branko Smilevski nga Shkupi - ekonomist i diplomuar, magjistër i shkencave në antikorrupsion, i cili është aktualisht ndihmës i Revizionit të përgjithshëm, me 86,33 pikë të fituara, ndërsa i treti renditet prof. dr. Kimo Çavdar nga Shkupi, jurist i diplomuar me provim të dhënë të jurisprudencës dhe doktor i shkencave politike, i cili fitoi 81,83 pikë.

Komisioni për selektim potencoi se dhe Smilevski dhe Çvadari dhanë përgjigje të shkëlqyera në pyetjet e parashtruara të përgjithshme dhe të veçanta. 

Shpallja për aplikimin e kandidatëve për kryetarë të Komisionit Kundër Korrupsionit u publikua këtë verë, por procedura u pezullua përkohësisht për shkak të zgjedhjeve lokale. 

Nga 13 kandidatët, që aplikuan në shpalljen e Kuvendit për zgjedhjem e kryetarit të ri të Komisionit Shtetëror për Parandalimin e Korrupsionit (KSHPK), u përzgjodhën 10, ndërsa intervistat me ta filluan të martën. rq/

Foto: arkivi i MIA-s