Strasburg, 10 shtator 2025 (MIA) - Dhjetëra mijëra fëmijë ukrainas të marrë peng dhe të rrezikuar dhe të dërguar në Rusi të cilët detyrohen të mohojnë identitetin e tyre, fati i të cilëve mbetet i panjohur, duhet të kthehen në Ukrainë, tha kryetarja e Komisionit Evropian Ursula fon der Lajen në fjalimin e saj vjetor për "Gjendjen e Bashkimit Evropian" para eurodeputetëve.

"Duhet të bëjmë gjithçka që është në forcën tonë për të mbështetur fëmijët e Ukrainës. Kjo është arsyeja pse mund të njoftoj se së bashku me Ukrainën dhe partnerë të tjerë do të organizoj Samitin e koalicionit ndërkombëtar për kthimin e fëmijëve ukrainas. Çdo fëmijë i rrëmbyer duhet të kthehet", ka thënë Fon der Lajen.

Duke theksuar se populli i Ukrainës po lufton për lirinë dhe pavarësinë e saj, ajo theksoi se lufta duhet të përfundojë me një paqe të drejtë dhe të qëndrueshme, sepse liria ukrainase është gjithashtu liri e Evropës.

"Do të vazhdojmë të mbështesim të gjitha përpjekjet diplomatike për t'i dhënë fund kësaj lufte. Por të gjithë e kemi parë se çfarë nënkupton Rusia me 'diplomaci'. Putini refuzon të takohet me presidentin Zelenski", tha Fon der Lajeni.

Foto: arkivi i MIA-s