Beograd, 12 tetor 2022 (MIA) - Presidenti i Serbisë, Aleksandar Vuçiq, pas dorëzimit të Raportit vjetor të KE-së për Serbinë në konferencë për shtyp, deklaroi se ai në masë të madhe është i kënaqur nga e shkruara dhe esenca në pjesën më të madhe ka të bëjë me marrëdhënien ndaj sanksioneve të Federatës ruse, njofton korrespondenti i MIA-s nga Beogradi.

"Kjo është çështje politike dhe KE-ja ka të drejtë, sot harmonizimi i Serbisë me politikën e jashtme të BE-së është 45.03 për qind, që do të thotë se ne ende votuam për diçka, por jo për Rusinë. Çfarë duhet të bëjmë kur çdo ditë dalin me rezoluta dhe deklarata vetëm kundër Federatës Ruse. Ne i kuptojmë, por nuk kemi votuar për asnjë deklaratë. I kam përcjellë se me seriozitet dhe përgjegjësi të madhe do t'i marrim parasysh pikëpamjet dhe propozimet e tyre për këtë çështje", deklaroi Vuçiq.

Sipas Vuçiqit, ky raport politik e ka ngjyrosur tërë raportin, duke vlerësuar se “kjo është pjesa e vetme në të cilën Serbia po i kthehet rrugës evropiane, përkatësisht sanksioneve ndaj Rusisë dhe respektimit të politikës së jashtme të BE-së, që është e vërtetë për shkak të vendimit të Serbisë për të cilin ajo i paguan konsekuencat”. Vuçiq tha se KE-ja ka konstatuar se Serbia është e gatshme të hapë grupin 3 dhe se në përgjithësi, raporti i KE mundëson vazhdimin e punës së bashku me Brukselin në fushën e reformave. Presidenti serb vlerësoi edhe se në raport është vlerësuar se Serbia ndërton marrëdhënie të mira fqinjësore me të gjithë, përveç Kroacisë, e cila është e tensionuar, por edhe se me disa fqinjë ka marrëdhëniet më të mira në historinë më të re të Serbisë. Në pikëpamje të dialogut me Kosovën, Vuçiqi tha se në raport, Serbia është "vlerësuar diçka më mirë ose diçka më keq”, duke shtuar se Serbisë po i paraprinë një rrugë e vështirë dhe se nuk do të ketë lajme të mira për këtë çështje. fb/